18:47
Չեմպիոնների լիգա. 1/4 եզրափակիչում՝ «Ռեալ» - «Գալաթասարայ», ՊՍԺ - «Բարսելոնա»
Շվեյցարիայի Նյոն քաղաքում մարտի 15-ին կայացավ ֆուտբոլի Չեմպիոնների լիգայի քառորդ եզրափակիչի վիճակահանությունը:
Կիսաեզրափակիչի համար պայքարում կատալոնական «Բարսելոնան» կխաղա ֆրանսիական ՊՍԺ-ի հետ, Մյունխենի «Բավարիայի» մրցակիցը կլինի Թուրինի «Յուվենտուսը», իսպանական «Մալագան» կմրցի Դորտմունդի «Բորուսիայի» հետ, իսկ Մադրիդի «Ռեալին» բաժին հասավ թուրքական «Գալաթասարայը»:
«Ռեալը», «Մալագան», ՊՍԺ-ն եւ «Բավարիան» առաջին խաղերը կանցկացնեն տանը:
Այս տարի մրցաշարի կանոնակարգը փոխվել է եւ կիսաեզրափակիչի զույգերը նույնպես հայտնի կդառնան վիճակահանության արդյունքում:
Հիշեցնենք, որ 1995/1996թթ. մրցաշրջանից սկսած առաջին անգամ Չեմպիոնների լիգայի քառորդ եզրափակիչը կանցնի առանց անգլիական թիմերի:
Չեմպիոնների լիգա. 1/4 եզրափակիչ
«Մալագա» (Իսպանիա) - «Բորուսիա» Դորտմունդ (Գերմանիա)
«Ռեալ» (Իսպանիա) - «Գալաթասարայ» (Թուրքիա)
ՊՍԺ (Ֆրանսիա) - «Բարսելոնա» (Իսպանիա)
«Բավարիա» (Գերմանիա) - «Յուվենտուս» (Իտալիա)
Առաջին խաղերը կկայանան ապրիլի 2-ին եւ 3-ին, իսկ պատասխան հանդիպումները՝ ապրիլի 9-ին եւ 10-ին:
ԱՅԼ ՆՈՐՈՒԹՅՈՒՆՆԵՐ